شاعراً مبدع يتميز غن غيره بجزالة الشعر وقوة التصوير الشعري وكعادته من خلال قصائده الجزلة الحماسية يقول شعرا راسخ في ذاكرة كل من يقرى او يسمع لشاعر المبدع محمد المويعزي
يابايدن(صحصح)وخذ لك اجازه
واعرف من اللي انت ناوي تحداه
ان كانه (محمد) نشيلك جنازه
وتبطي عظم (يابايدن) ما تمناه
اركد وجنّب عن دروب الحزازه
ولاتصير مثل اللي نقل داه برداه
حنا الملك سلمان .. وابنه .. وبازه
ونعرف مضامين الهدف مع نواياه
ونعرفك مابين الكؤوس .. وقزازه
ونقراء مابين سطور خبثك ومبداه
حنا هل العوجاء .. ثقيلٍ مرازه
فلا تحط راسك مع قليلين الاشباه
وان كان عقلك صار فيه اهتزازه
راجع حساباتك من الفه اليا ياه
هذا محمد .. نفتخر بـ اعتزازه
وبدينه وشعبه .. وقوّة مزاياه
هذي حقيقه .. في بيوتن على آزه
والشطر الآخر انتهت به على .. آه
يعني (نعم .. نعم) مافيها طنازه
حنا السعوددين بالدم نفداه
والا ترى (جو) مالنا فيه عازه
جو بايدن قربه لنا .. مثل فرقاه
ماهمنا لو باركو في .. مفازه
ولو حاول يسوي (مهم) ماحسبناه
يبقى السعودي كل مرغوب حازه
ويبقى وطنا شامخ .. وكل من جاه
(
(
