شعر.. نورة السبيعي
شاعرة الإبداع والوصف نورة السبيعي في نص جديد تغرد خارج السرب وتخرج عن صمتها بنص جديد تجلجل بين الحقيقة والخيال.. هاهي نورة الشعر نورة الإبداع نورة السبيعي في نص ((ساعة الضيق))
لابارك الله فيك ياساعة الضيق
يوم البشر شدوا رحال الكآبه
شديتي رحالك لصدر المطاليق
انا وضلوعي مالنا بك قرابه
كن الشعور اقفى وانا خوفي افيق
ضميته لصدري ولا له مشابه
سحابته مرت وكن المعاليق
تخاف تصبح عقب فرقاه غابه
واللي خلقني ياحبيبي فلا اطيق
اسكب شعور لشخص ثاني واجابه
كرهت اكاذيب البشر واي تلفيق
شبعت زيف وجيه فيها غرابه
لابارك الله غيبتك جيت تصديق
كنت القريب اللي ذبحني غيابه
وانت الغريب اللي رحل دون تعليق
وانت الذي جسّد شعور الرتابه
ضيقت صدري والوعد فيه تشويق
وضحكاتك اللي تحتويني رحابه
اودعك واخشى عليك المخاليق
خوف العنود اللي غزتها الذيابه
نورة السبيعي
(
(
