الشاعر ..بندر البلالي
مشاعر متدفقه .لاتخلو من الحزن . يبوح بها الشاعر العذب بندر البلالي .
يالله ياسيّد جميع المخاليق
تغفر لعبدك واتجاوز ذنوبه
في بيته المفتوح ماتعرف الضيق
فيه الصخا والطيب ونفس ٍ رحوبه
ماانسى سواته في وجود المطاليق
كني عريس الحفل لا رحبو به
ولا لغير العم ابو عارف يليق
وفاه والطيبه ونفس امحبوبه
وياعنك من عقّبت عقبك شواهيق
عارف وعبدالله ونايف شبوبه
واسمك على خير الشهور المعاتيق
ماعقبك الا العيد لامن درو به
مرحوم يالوافي يبو قلبٍ ارقيق
ومرحوم لو نرثيكً نوبه ونوبه
يالله تجعل قبر ابوعارف يليق
بالصالح لوجهك ومن الذنب توبه
من شفت جثمانه وانا يابس الريق
ذكرت وجهه والعمامه وثوبه
وخاطبت نفسي يا الأدمي لازم تفيق
من قبل تعلن شمس عمرك غروبه
واخر كلامي وانت للنار ماتطيق
الحق على نفسك لاتصيبك عقوبه
(
(
