ياالله يااللي كريم العفو تسخي به
مااكبر من العفو مدة،عند طالبها
لن قيل عفوك كبير الذنب يغري به
قلنا عقوبتك تردعنا عواقبها
السر عندك سواة الجهر تدري به
وبالسر والجهر عبّادك تحاسبها
نسألك وفق الكلام وحسن تهذيبه
حيث العرب حكيها يفرق مراتبها
نسمي الشي باسمه،يوم نحري به
واللي هماجٍ طعمها،مانذرّبها
اعدا مقر الحرم واعدا معازيبه
من كل يمّة مهججةٍ ركايبها
ترسم مسار الغدر وتعيد ترتيبه
ويقوم بمهمة التنفيذ نايبها
خليفة اهل الضلال،اللي تهلّي به
عربٍ يا لولا الاسامي ما نعرّبها
من حزب الاخوان،حزب الشك والريبة
مطية الشر،والاتراك تشعبها
من يطلب العز بالتركي،يضحي به
يكسيه من سملةٍ متنه يلوق ابها
جميعهم حاقدٍ بانت عذاريبه
حقايقٍ تنكشف للي يراقبها
لولا ان هالدار درب الحق تمشي به
ما عصّبت ضدها الاعدا عصايبها
حنا لها مرهفٍ عطبٍ مضاريبه
في ساعةٍ حي راسٍ ما تهيّبها
سودان من ننصره تصفى مشاريبه
يارد بنا جمةٍ مااحدٍ يغثربها
سودان سودان جزل الفعل نرهي به
سيرّنا بالفعول البيض نكتبها
يشهد لنا رجم صعدة يوم نضوي به
سيوف ظفرة،وسلمانٍ مجربها
ابو فهد طودنا اللي ما نحالي به
حامي حمى العرب،ومكثر مكاسبها
قد خصه الله بخدمة مكة وطيبة
لولاه كفوٍ لها..ما كان خص ابها
تشريف لال السعود،وعزة وهيبة
تقرن لها مثل وحدة من مناقبها
ومدوّل البيت،من ضعفه وتاليبه
يبغى كبار الفتن يضرم لهايبها
قله مهيب الْه لو تكثر مطاليبه
والكايدة ما لها الا من يقوم ابها
حنا مع ال السعود،اسمٍ نماري به
الاسرة اللي طويلاتٍ مراقبها
اخوان نورة،ليا كلٍ ذكر طيبه
البيت ترعاه،وضيوفه توجبها
زانت بهم سدة الحكم ومقاضيبه
مثل السما زانها الله في كواكبها
ماحبهم غير من طابت هناديبه
واهل الوفا سيرة الوافين تجذبها
ولا منهم الا الكريم اللي مناسيبه
تدعيه للمجد وعزومه تجاوبها
شروى حزام المليك وصقره وذيبه
محمد اللي ركاب المجد متعبها
ياطويقنا اللي بعيداتٍ شخانيبه
ماهزتك ريح لو شدت هبايبها
انا اشهد انك حريب العايل وشيبه
واخبار الايام ما يفلح مكذبها
النصر لامن تأترك منك تعريبه
وروس الفتن لا اينعت فـ انت انت صاحبها
شعر الدكتور السوداني الشاذلي عجب……
(
(
