متعب السميري 

له اسلوبه الخاص غير متكلف تتسم قصائده بالمصداقية والتهاب العاطفة الشاعر العذب عبدالله الشملاني

‎لو للشعر قبه ومجلس ونواب
‎من ننتخب للشعر حاكم وساسه

‎والخلق بالدنيا من تراب لتراب
‎واللي ملك عقله خلاصه براسه

‎وياحمود لو صارت مشاريه وعتاب
‎خذني معك للشعر عزم وحماسه

‎لا للزعل غنت حمامه بمرقاب
‎قصر الشعر فاخر وصعب اقتباسه

‎وبحر الشعر هادي وللغوص جذاب
‎ويامخطر أمواجه وشر احتباسه

‎ومن فيضة الشعر النقي قل من جاب
‎بعد السديري نال منها وداسه

‎وشعر الحميد من الغزل يفتح ابواب
‎يضفي على الشاعر قبيح التماسه

‎وعشنا وشفنا شاعر الوجد كذاب
‎ويعيش من واسع خياله تعاسه

‎وياخذ من الكذب النقي جيش واحزاب
‎ويخوض حرب العشق ساحة وناسه

‎ومنهم يجي زيزوم للثور حلاب
‎وتقول ثور يقول عندي فراسه

‎والبعض عمره راح والجرح ماطاب
‎يمسي ويصبح ماتعدى مداسه

‎الا أنا ياحمود والصدق ماعاب
‎ومن شاف ماشفته تجيه انتكاسه

‎جتني تهزع تنشد(ن)وينه الباب
‎كنه بقيد وخطوته في سلاسه

‎وخمارها يرسم شفاته والاهداب
‎والوجنتين البارزه نوض ماسه

‎ويوم استدارت خلفها فز وارتاب.
‎ليل (ن) طواها وانهمر من ملاسه

‎وما للغزل ياحمود تبرير واسباب
‎وحذراك يالغالي وشر البلاسه

‎وما للشعر عن دانة الغيد مجناب
‎يضيفها شامخ يزيل التباسه

‎من بنت مطّلق يرتوي طيب والقاب
‎للشعر كيف وينجلي به اعماسه

‎ومن طيب ابوها تلبس الطيب جلباب
‎والطيب لامه ساس ياحي ساسه

الشاعر / عبدالله الشملاني

( طيب الفال)